खुप नशिबवान असतात ते लोक ज्यांची आजी असते, मायेने डोक्यावर हात फिरवणारी, आपल्याला हवं नको ते पाहणारी. अशीच माझीही आजी होती. मी लहान असताना मला काय हवं नको ते ती पहायची. मलाही तिच्या हातचे पदार्थ खायला खूप आवडायचं. चकोल्या माझ्या आवडत्या पदार्थांपैकी एक. काही ठिकाणी याला वरण फळ देखील म्हणतात. आज मी माझ्या आजीची चकोल्याची रेसिपी तुमच्यासोबत शेअर करणार आहे. अतिशय कमी वेळात बनणारा व चटकन पोट भरणारा हा स्वादिष्ट, रुचकर व चवदार पदार्थ आहे.
चकोल्या बनवण्यासाठी लागणारे साहित्य:
-
- तूर डाळीचे वरण
- फोडणीसाठी तेल
- बारिक चिरलेली कोथिंबीर
- लसूण
- हिरवी मिरची
- कढीपत्ता
- जीरे-मोहरी
- थोडीशी कणिक
कृती : चला तर मग पाहूया चकोल्या कशा बनवायच्या ?
सर्वप्रथम आपल्याला तूर डाळीच्या वरणाला फोडणी देऊन घ्यायची आहे. फोडणी तशीच द्यायची जशी आपण नेहमी फोडणीचं वरण करताना देतो. वरणाला उकळी फुटेपर्यंत कणकेचा गोळा घेऊन चपाती सारखा लाटावा. ही चपाती थोडी जाडसरच ठेवावी. त्यानंतर चपातीचे सुरीने कापण्यांसारखे काप करावे. आता हे कणकेचे काप उकळत्या वरणात सोडावे व झाकण ठेवून पाच मिनिटे शिजवावे. वरण उतू जाणार नाही याची काळजी घ्यावी. पाच मिनिटानंतर वरणातील कणकेचे काप शिजले की नाही याची खात्री करावी व गॅस बंद करावा. शेवटी बारीक चिरलेल्या कोथिंबीरीने सजवावे आणि गरम गरम खायला द्याव्या चकोल्या म्हणजेच वरण फळ.
हेही वाचा : ५ प्रकारचे पौष्टिक पराठे
जाहिरात : तुमच्या व्यवसायाची वेबसाईट बनवा फक्त रु. 1999/- मध्ये
Comment here